كنك معي وانا فقدتك من ايام
وان مرني طيفك كأني لقيتك
وكني اعرفك قبل اشوفك من اعوام
وانا على دروب الغلا ماشكيتك
وكني وحيد والعرب من ورا الشام
من حر مافيني بحظورك رثيتك
ولعتني بوصلك وبددت الاوهام
والحين مايغني عن الوصل صيتك
تعال يمي عقبك القلب منظام
لـيتك تبيني مثل ماأنا بغيتك
لوكان حبك ذنب طلبت الاعدام
ولو أفرجوا عني رجعت وهويتك
ولو للهوى قانون وشروط واحكام
كان بخطايا غيبتك اشتكيتك
وياقلب ياللي كلك جروح وآلام
لوكان من كيفي ترا ماشريتك
يفز لك قلب يودك من العام
ولولا غلاتك ماكتبت ورجيتك
ودي بوصلك لو مع هاك الاحلام
وودي بقربك ساكن جنب بيتك
اشتاقلك واجوع لك طول الايام
والله لوأنك اكل يمدي كليتك
طعتك ولا لديت في هرج لوام
ومن كثر ماحبك عشقت اتكيتك
والا انت ياللي سلطتك مثل صدام
على خفوقي ليتك تحس ليتك
حسبي عليك شلون مااشتقت لي دام
اصدق احاسيس بقلبي عطيتك
وترا الوعد ياناكر الود قدام
لامرت الذكرى عليك وطريتك
تدري لو ان الحب شاري وسوام
بعت المحبة واستخرت ونسيتك
